Өңімдеріміз

«Теңізшевройл» ЖШС шикі мұнаймен қатар, табиғи газ, күкірт және сұйытылған көмірсутек газды (СКГ) да өндіреді.

Өңімддерді сату көлемі туралы соңғы ақпарат

Сұйытылған көмірсутек газ (СКГ)

  • ТШО өндірген СКГ көлемдерін өзінің арнайы алдын-ала саралауынан өткен сатып алушылармен ұзақ мерзімге көтерме саудаға жасалған шарттар негізінде өткізуді қалайды.
  • ТШО бір жолғы сатылымдарды тек алдын ала саралаудан өткен алармандарға «қажеттілігіне қарай» принципі бойынша қосымша көлемдер пайда болған кезде ғана атқарады.
  • ТШО бөлшек сауда жасамайды.

Сатып алушылар

ТШО сатып алушылармен ұзақ мерзімге жасалған шарттарға қол қойып өнімнің сенімді сатылымдарын қамтамасыз ететіндей географиясы кең және сенімді алармандар базасын қалыптастырды.

Нарықтар

ТШО өнімнің темір жол мен теңіз арқылы жеткізілімдерін атқара отырып, СКГ Қазақстан және экспорт рыноктарына сатады. Экспорт сатылымдары Инкотермс 2000 ережелеріне негізделеді, әдетте бұл алдын-ала саралаудан өткен сатып алушылараға DAF немесе FOB шарттарымен атқарылатын сатылымдар.

Қазақстандық нарық

ТШО атқаратын СКГ сатылымдары еліміздің көптеген аймақтарына бағытталады. Сатылымдар жыл ішінде тоқсан сайын өтетін тендер нәтижелеріне қарай жүзеге асырылады. ТШО өнім сапасын басқару мен өнімді жеткізуге қатысты өзінің міндеттемелерін орындау мақсаттарында СКГ- ды қазақстандық сатып алушылар белгілеген орындарға жеткізіп береді. ТШО өткізетін тендерге ТШО өзі ұйымдастыратын алдын-ала саралау критерийлеріне сәйкес келетін барлық сатып алушылар қатыса алады.
Сатып алушылар ТШО тендерін ұтуы төменде көрсетілген, бірақ олармен шектелмейтін талаптарға негізделеді:

  1. Өнімді бұдан бұрынғы кезеңдерде алуының көрсеткіштері мен шарт бойынша өзінің міндеттемелерін орындауы
  2. Әр өнім түріне қойылған тендерлік бағасы
  3. Өзінің пайдалануынан аспайтын және ақырғы тұтынушыларға Қазақстан Республикасының аймағында пайдалануға бөлінген өнім көлемдері.



Экспорттық нарық

ТШО СКГ сатылымдарын

  1. ТМД шекаралас Европа елдерінің аймақтарына темір жол арқылы, және
  2. Қара теңіз бен Жерорта теңізінің елдеріне теңіз арқылы жеткізіп атқарады. Теңіз арқылы жеткізілімдер Қара теңіздегі терминалдан құйылып жөнелтіледі.

Темір жолмен тасымалдау: ТШО барлық өндірген газ көлемдерін қауіпсіз және сенімді түрде тасымалдауды қамтамасыз етуге жеткілікті сандағы темір жол цистерналарын жалға алады. ТШО өнімдерді Құлсары стансасынан белгілі жеткізу орындарға жөнелтуге теміржол жоспарларын өзінің экспедиторы арқылы алады.

Теңіз арқылы тасымалдау:
Сұйытылған көмірсутек газды ұзақ мерзім шарттар негізінде алатын сатып алушылар оны өздерінің меншігіндегі немесе жалға алған кемелермен алады. Бұл кемелер ТШО мен жөнелтім атқаратын терминалдың қойған техникалық талаптарына әбден сәйкес болуы қажет. Сатып алушылар бір жолғы сатылым ұйымдастырса да өз меншігіндегі немесе жолдаған кемелерді қолданады. Осындай бір жолғы сатылымдардың бірқатарын ақырғы терминалдарға жеткізуін ұйымдастырғанда ТШО өз бетімен кеме жалдауы да мүмкін.

Бағалар

ТШО нарық бағалар негізінде энергетикалық өнеркәсіп саласындағы дүниежүзілік сараптау агенттіліктері болып танылатын Аргус және/немесе Платтс жариялаған белгіленімдерді қолданып СКГ сатып өткізеді. ТШО СКГ сату бағаларын талқылап келіссөз өткізген кезде әр нарықтағы сұраныстың бәсекелестігі мен жағдайын да қарайды.

Әлеуетті сатып алушыларды алдын-ала саралау критерийлері

ТШО өзінің әлеуетті сатып алушыларын коммерциялық, қаржылық, логистикалық және техникалық жақтарынан бағалап саралайды. Барлық әлеуетті сатып алушылар ТШО тарапынан өтетін жан-жақты тексерістің барлық талаптарын қанағаттандыратын деңгейде болуға тиіс. ТШО коммерциялық іскерлік қарым қатынасты басқаларына қарағанда ақырғы тұтынушылармен құруды қалайды. Барлық үміткер сатып алушылар өздерінің ұйымдастыру қабілетін көрсетіп төменде тізілген критерийлерге сәйкес болуы сұралады:

  1. СКГ жеткізілім үдерісі мен өнім сапасын басқаруға қатысты талаптарды жақсы түсініп, оларды орындау
  2. СКГ тұтынатын және/немесе тарататын орташа немесе ірі компания болу
  3. Газ өндіру саласындағы соңғы кезде атқарған 3-5 жылдан кем болмайтын жұмыс тәжірибесі
  4. СКГ қауіпсіз және сенімді түрде қабылдау, аударып құю, сақтау мен таратуды қамтамасыз етуге жеткілікті тұрақты да ұзақ мерзімді активтері болу
  5. Жеке меншігінде немесе жалға алған өндіріс нысаналары, соның ішінде, теміржол цистерналарынан жүкті түсіру, газ баллондарын толтыру орындары, автокөлікке газ құю стансалары, теміржол цистерналары, автокөлік, теміржол терминалдары, теңіз терминалдары және/немесе СКГ уздіксіз бір қалыптағы сатылымдарын атқаруға ықпалы бар қосымша нысандары болуы
  6. СКГ сатып өткізу және оның логистикасына қатысты айтарлықтай жұмыс тәжірибесі бар арнайы даярланған және тұрақты түрде жұмыс жасайтын қызметкерлер
  7. Егер әлеуетті сатып алушы таратушы болса, оның ұзақ мерзімді шарт негізінде өнім алып қалыптасқан сатып алушылар саны болуы
  8. Соңғы 3 жыл ішінде өнеркәсіптің қаржылық тұрақтылығы мен шарт бойынша алатын көлемдерді кепілдік етуге алдын ала төлемдер атқаратынын немесе аккредитив ашатынын көрсету

СКГ сатып алуға сұранымның қаралуы үшін тапсырылатын құжаттар

  1. Әлеуетті сатып алушыны коммерциялық жағынан бағалау үшін ТШО төмендегі сілтеме арқылы табылатын коммерциялық сауалнаманы барлық тиісті мәліметтерді еңгізіп толық түрде толтыруды талап етеді
  2. Әлеуетті сатып алушының атқаратын бизнесі жалпы бизнес атқару талаптарына сәйкестегін бағалау үшін іскерлігі ТШО әлеуетті сатып алушылардан төмендегі көрсетілген іскерлік сауалнаманы барлық тиісті мәліметтерді енгізіп толық түрде толтыруды талап етеді
  3. Өндірістік нысандар мен оларға қосымша ғимараттарды тексеріп бағалау үшін ТШО өз тарапынан техникалық іс-сапар ұйымдастырып әлеуетті сатып алушыға техникалық сауалнаманы толтыруды ұсынады
  4. Сатып алушның төлем өтеу қабілетін, сонымен қатар оның компаниясының жалпы қалыптасқан бизнес меңгеру талаптарға сәйкестігін бағалауға ТШО компанияның тіркелуі туралы құжаттарын, қаржылық есептерін, банк мәліметтерін және осындай бағалауға қажет деп есептеген басқа да құжаттардың тапсыруын сұратады. Тіркелуі туралы құжаттар тізімін қараңыз.

Толтырылған құжаттарыңызды төмендегі адрес бойынша жіберуіңізге болады:  tcolpgt@tengizchevroil.com

Табиғи газ

ТШО табиғи газды орта және ұзақ мерзімге жасасқан шарттар негізінде осы өнімді өзінің меншігіндегі нысандарында пайдалануға немесе газдың жеке сатылымдарын қолданатын тарату құбыр жүйелердің иелеріне сатуға басымдылық береді.


Сатып алушылар

ТШО табиғи газды құбыр жүйелері арқылы ел ішіндегі нарыққа сатады және экспортқа шығарады. Ел ішіндегі нарықтағы сатылымдар мен экспорт сатылымдар Incoterms 2000 негізінде атқарылады. Табиғи газ ел ішіндегі нарыққа «франко тасымалдаушы» (FCA), ал экспортқа «шекараға жеткізу» (DAF) шарттарына сәйкес ТШО-ның алдынала тексеруінен өткен сатып алушы компанияларға жөнелтіледі.

Қазақстан нарығына ТШО табиғи газды Атырау облысына жеткізеді.

ТШО ел ішіндегі нарық пен сондай-ақ экспорт нарыққа да газ сатылымдарына ұзақ мерзімге шарт жасасу жұмысын жалғастыруды жоспарлауда. ТШО қазіргі таңда сатылымдар атқарудағы нарықтарын сақтаумен қатар жаңа нарықтарды әр тараптандыру жұмысын да атқарады.

Әлеуетті сатып алушыларды алдын ала саралау критерийлері

ТШО өзінің әлеуетті сатып алушыларын коммерциялық, қаржылық, логистикалық және техникалық жақтарынан бағалап саралайды. Барлық әлеуетті сатып алушылар ТШО тарапынан өтетін жан-жақты тексерістің барлық талаптарын қанағаттандыратын деңгейде болуға тиіс. ТШО коммерциялық іскерлік қарым қатынасты басқаларына қарағанда ақтық тұтынушылармен құруды қалайды. Барлық үміткер сатып алушылар ТШО ның сатып алушысы ретінде тіркелуі үшін өздерінің ұйымдастыру қабілетін көрсетуге тиіс.

Табиғи газ сатып алуға сұранымның қаралуы үшін тапсырылатын құжаттар

 

  1. Әлеуетті сатып алушыны коммерциялық жағынан бағалау үшін ТШО сілтеме арқылы табылатын іскерлік сауалнаманы барлық тиісті мәліметтерді еңгізіп толық түрде толтыруды талап етеді.
  2. Сатып алушының төлем өтеу қабілетін, сонымен қатар оның компаниясының жалпы қалыптасқан бизнес меңгеру талаптарға сәйкестігін бағалауға ТШО компаниясының тіркелуі туралы құжаттарын, қаржылық есептерін, банк мәліметтерін және осындай бағалауға қажет деп есептеген басқа да құжаттардың тапсыруын сұратады.

Толтырылған құжаттарыңызды төмендегі адрес бойынша жіберуіңізге болады: mtadmin@tengizchevroil.com

Күкірт сату стратегиясы

ТШО өзінің күкірт сату стратегиясын барлық әлеуетті сатып алушылар мен маркетингілік қолдау көрсететін делдалдық компаниялар өтініштерін құрылымды және әділ түрде қарастыруды қамтамасыз ететін ең жақсы өндірістік тәжірибелер негізінде жетілдірді.

  1. ТШО күкіртті ақырғы тұтынушыларға тікелей сатуды қалайды
  2. Егер:
    • Ақырғы тұтынушының ұйымдастырушылық, логистикалық және/немесе қаржылық жағдайлары күкіртті ТШО дан тікелей сатып алуға жеткіліксіз болса
    • Ақырғы тұтынушы ТШО-дан күкірт сатып алу үшін өзінің таңдаған бір ғана делдалдық маркетингілік қолдау көрсету компаниясы қызметін қолдануды сұраса
    • Маргетингтік қызмет атқаратын делдал компанияны оның біліктілігі, күкірт өнімдерін сату саласындағы сараптамалық білімі, күкірт сату саласындағы беделі, ТШО мен соңғы пайдаланушылар арасындағы жалғыз делдал ретіндегі материалдық-техникалық және /немесе қаржы мүмкіндіктерін ескере отырып, ТШО оны мақұлдайды
  3. ТШО күкірт сату тізбегіне қатысатын барлық компанияларды толық заңдық сараптамасын өткізіп, бағалауға тиісті. Осындай тексерісті өткізу үшін, сұраным жасаған делдалдық маркетингілік қолдау компаниясы күкіртті ТШО-дан ақырғы тұтынушыға сатып жеткізуге қатысатын барлық компаниялар туралы толық ақпарат жіберуге тиіс
  4. Сұранымына қарай Қазақстандағы ақырғы тұтынушыларға:
    • Қажеттіліктерін ескере отырып, Қазақстандық түпкілікті тұтынушыларға
    • ТШО қуаты мен үшінші тараптардың сұйық күкірт тасымалдайтын арнайы теміржол қазандарымен қамтамасыз ету мүмкіншілігіне қарай, сұйық күкірт сатып алатын ТМД елдеріндегі компанияларға
    • Жоғарғы күкірт қаптау қуаттылығына немесе экспортқа шығару терминалдарының күкірт жөнелту мүмкіндіктеріне сай, түйіршіктелген күкіртті тұтынатын шет елдер мен ТМД елдеріндегі ақырғы тұтынушыларға
    • Теңіз кен орнындағы күкіртті уату қуаттылығына, темір жол арқылы тасымалдау мүмкіншілігіне немесе экспортқа шығару терминалдарының қуаттылығына қарай, кесектелген күкіртті тұтынатын шет елдер мен ТМД елдеріндегі ақырғы тұтынушыларға сатады

Қажетті құжаттар

ТШО өткізетін жан-жақты заңдық сараптама талаптарына сәйкес, күкірт сату үшін күкірттің ТШО-дан бастап маркетингілік қолдау көрсететін делдалдық компания арқылы, қажет болса ақырғы тұтынушыға дейін, толық жеткізу тізбегіне қатысушылар жөнінде толық мәлімет алуы қажет. Осы жан-жақты заңдық сараптама ТШО күкірт сату стратегиясының ажырағысыз бөлімі болып табылады. ТШО жан-жақты заңдық сараптамасының бөлігі болып келетін күкірт сатылымы жөніндегі сұраунамасы мен іскерлік сұраунамасын берілген сілтемелер арқылы таба аласыз:

Толтырылған құжаттарыңызды төмендегі адрес бойынша жіберуіңізге болады: tcosst@tengizchevroil.com