Қазақстандық қамту

2–3 сәуір күндері Астана қаласында мемлекеттік органдардың, ғылыми қауымдастықтың, салалық сарапшылардың, сондай‑ақ ұлттық және халықаралық мұнай‑газ компанияларының, оның ішінде «Теңізшевройл» ЖШС‑нің өкілдерін біріктірген Geoscience & Exploration Central Asia (GECA) халықаралық форумы өтті.

Форум өңірдегі ең ірі салалық алаңдардың біріне айналып, геология және геологиялық барлау саласындағы өзекті мәселелерге, Орталық Азияның көмірсутек ресурстарын дамытуға, заманауи технологияларды енгізуге, сондай‑ақ мұнай‑газ саласындағы халықаралық ынтымақтастықтың перспективаларына арналды. Іс‑шара барысында қатысушылар жобалардың тиімділігін арттыру, инновациялық шешімдерді енгізу, экологиялық және әлеуметтік факторларды ескере отырып, орнықты дамуды қамтамасыз ету қажеттілігін қоса алғанда, саланың алдында тұрған негізгі сын‑қатерлерді талқылады.

Форум аясында салалық мемлекеттік органдардың, ұлттық компаниялардың және халықаралық энергетикалық корпорациялардың өкілдері қатысқан пленарлық және панельдік сессиялар өтті. Орталық Азияның өңірлік және жаһандық энергетикалық қауіпсіздікті қамтамасыз етудегі рөліне, сондай‑ақ әлемдік энергетикалық күн тәртібінің өзгеруі жағдайында геологиялық барлау жұмыстарын одан әрі дамыту әлеуетіне ерекше назар аударылды.

Форум жұмысына «Теңізшевройл» ЖШС белсенді қатысты. Орталық Азияның көмірсутек ресурстарын дамытуға арналған панельдік сессия барысында ТШО Бас директоры Уильям Лакоби баяндама жасады. Өз сөзінде ол өңірдің жаһандық энергетикалық қауіпсіздікті қамтамасыз етудегі стратегиялық маңызын атап өтіп, мұнай‑газ жобаларын дамытуда жауапты және орнықты тәсілдің маңыздылығын ерекше атап өтті.

ТШО Бас директоры ресурстарды тиімді игеру, заманауи технологияларды енгізу, адами капиталды дамыту және өнеркәсіптік әрі экологиялық қауіпсіздіктің жоғары стандарттарын сақтау арасындағы теңгерімді қамтамасыз ету қажеттілігіне назар аударды.

«Теңіздегі тәжірибеміз орнықты табысқа тек үш негізгі фактордың үйлесуі арқылы қол жеткізуге болатынын көрсетеді: тұрақты әрі болжамды реттеуші орта, әлемдік деңгейдегі технологиялық сараптама және мемлекеттік органдармен әрі жергілікті қауымдастықтармен берік серіктестік», – деп атап өтті Уильям Лакоби.

Теңіз секілді жетілген және күрделі кен орындары үшін технологиялық инновациялар мұнай бергіштігін арттырудың, өнеркәсіптік қауіпсіздік деңгейін және операциялық тиімділікті жоғарылатудың негізгі құралына айналуда. Теңіз кен орнының жалпы барланған қорлары 3,1 млрд тоннаны немесе шамамен 25 млрд баррель мұнайды, ал Корольдік кен орнында 200 млн тонна немесе 1,6 млрд баррель мұнайды құрайды. Теңіз және Корольдік кен орындарының алынатын мұнай қоры 1,4 млрд тоннаға немесе шамамен 11 млрд баррельге бағаланады.

Сонымен қатар, компания мұнай‑газ саласының бүгінгі таңда қоғам тарапынан жоғары назар жағдайында жұмыс істеп отырғанын жақсы түсінеді. ТШО үшін экология, өнеркәсіптік қауіпсіздік және әлеуметтік жауапкершілік мәселелері жекелеген бағыттар емес, операциялық және стратегиялық қызметтің ажырамас бөлігі болып табылады.

2000 жылдан бері компания табиғатты қорғау шараларын іске асыруға 3,2 млрд АҚШ долларынан астам инвестиция салды. Осы кезеңде өндірілген мұнайдың бір тоннасына шаққандағы атмосфераға шығарындылардың үлестік көлемі 78 пайызға қысқарды. ТШО үшін қоршаған ортаға әсерді азайту ғана емес, экологиялық және өнеркәсіптік қауіпсіздік стандарттарын жүйелі түрде арттыру да маңызды.

ТШО‑да көмірсутек ресурстарын дамыту өңірлерді дамыту және халықтың өмір сүру сапасын жақсартумен қатар жүруі тиіс деген ұстаным берік қалыптасқан. 1993 жылдан 2025 жылға дейінгі кезеңде ТШО‑ның Қазақстан Республикасына тікелей қаржылық төлемдері шамамен 212 млрд АҚШ долларын құрады. Бұл сома қазақстандық қызметкерлердің еңбекақысын, отандық жеткізушілерден тауарлар мен қызметтерді сатып алуды, мемлекеттік кәсіпорындарға төлемдерді, қазақстандық серіктеске дивидендтерді, сондай‑ақ мемлекеттік бюджетке төленген салықтар мен роялтилерді қамтиды. 1993 жылдан бері ТШО қазақстандық жеткізушілерден шамамен 52,3 млрд АҚШ долларына тауарлар мен қызметтер сатып алды.

«Теңізшевройл» ЖШС‑нің GECA форумына қатысуы компанияның салалық серіктестермен, мемлекеттік органдармен және сарапшылар қауымдастығымен ашық диалогты дамытуға, сондай‑ақ геология, барлау және көмірсутек өндіру салаларындағы озық халықаралық тәжірибелермен алмасуға деген ұстанымын көрсетеді.

2–3 сәуір күндері Астана қаласында мемлекеттік органдардың, ғылыми қауымдастықтың, салалық сарапшылардың, сондай‑ақ ұлттық және халықаралық мұнай‑газ компанияларының, оның ішінде «Теңізшевройл» ЖШС‑нің өкілдерін біріктірген Geoscience & Exploration Central Asia (GECA) халықаралық форумы өтті.

Форум өңірдегі ең ірі салалық алаңдардың біріне айналып, геология және геологиялық барлау саласындағы өзекті мәселелерге, Орталық Азияның көмірсутек ресурстарын дамытуға, заманауи технологияларды енгізуге, сондай‑ақ мұнай‑газ саласындағы халықаралық ынтымақтастықтың перспективаларына арналды. Іс‑шара барысында қатысушылар жобалардың тиімділігін арттыру, инновациялық шешімдерді енгізу, экологиялық және әлеуметтік факторларды ескере отырып, орнықты дамуды қамтамасыз ету қажеттілігін қоса алғанда, саланың алдында тұрған негізгі сын‑қатерлерді талқылады.

Форум аясында салалық мемлекеттік органдардың, ұлттық компаниялардың және халықаралық энергетикалық корпорациялардың өкілдері қатысқан пленарлық және панельдік сессиялар өтті. Орталық Азияның өңірлік және жаһандық энергетикалық қауіпсіздікті қамтамасыз етудегі рөліне, сондай‑ақ әлемдік энергетикалық күн тәртібінің өзгеруі жағдайында геологиялық барлау жұмыстарын одан әрі дамыту әлеуетіне ерекше назар аударылды.

Форум жұмысына «Теңізшевройл» ЖШС белсенді қатысты. Орталық Азияның көмірсутек ресурстарын дамытуға арналған панельдік сессия барысында ТШО Бас директоры Уильям Лакоби баяндама жасады. Өз сөзінде ол өңірдің жаһандық энергетикалық қауіпсіздікті қамтамасыз етудегі стратегиялық маңызын атап өтіп, мұнай‑газ жобаларын дамытуда жауапты және орнықты тәсілдің маңыздылығын ерекше атап өтті.

ТШО Бас директоры ресурстарды тиімді игеру, заманауи технологияларды енгізу, адами капиталды дамыту және өнеркәсіптік әрі экологиялық қауіпсіздіктің жоғары стандарттарын сақтау арасындағы теңгерімді қамтамасыз ету қажеттілігіне назар аударды.

«Теңіздегі тәжірибеміз орнықты табысқа тек үш негізгі фактордың үйлесуі арқылы қол жеткізуге болатынын көрсетеді: тұрақты әрі болжамды реттеуші орта, әлемдік деңгейдегі технологиялық сараптама және мемлекеттік органдармен әрі жергілікті қауымдастықтармен берік серіктестік», – деп атап өтті Уильям Лакоби.

Теңіз секілді жетілген және күрделі кен орындары үшін технологиялық инновациялар мұнай бергіштігін арттырудың, өнеркәсіптік қауіпсіздік деңгейін және операциялық тиімділікті жоғарылатудың негізгі құралына айналуда. Теңіз кен орнының жалпы барланған қорлары 3,1 млрд тоннаны немесе шамамен 25 млрд баррель мұнайды, ал Корольдік кен орнында 200 млн тонна немесе 1,6 млрд баррель мұнайды құрайды. Теңіз және Корольдік кен орындарының алынатын мұнай қоры 1,4 млрд тоннаға немесе шамамен 11 млрд баррельге бағаланады.

Сонымен қатар, компания мұнай‑газ саласының бүгінгі таңда қоғам тарапынан жоғары назар жағдайында жұмыс істеп отырғанын жақсы түсінеді. ТШО үшін экология, өнеркәсіптік қауіпсіздік және әлеуметтік жауапкершілік мәселелері жекелеген бағыттар емес, операциялық және стратегиялық қызметтің ажырамас бөлігі болып табылады.

2000 жылдан бері компания табиғатты қорғау шараларын іске асыруға 3,2 млрд АҚШ долларынан астам инвестиция салды. Осы кезеңде өндірілген мұнайдың бір тоннасына шаққандағы атмосфераға шығарындылардың үлестік көлемі 78 пайызға қысқарды. ТШО үшін қоршаған ортаға әсерді азайту ғана емес, экологиялық және өнеркәсіптік қауіпсіздік стандарттарын жүйелі түрде арттыру да маңызды.

ТШО‑да көмірсутек ресурстарын дамыту өңірлерді дамыту және халықтың өмір сүру сапасын жақсартумен қатар жүруі тиіс деген ұстаным берік қалыптасқан. 1993 жылдан 2025 жылға дейінгі кезеңде ТШО‑ның Қазақстан Республикасына тікелей қаржылық төлемдері шамамен 212 млрд АҚШ долларын құрады. Бұл сома қазақстандық қызметкерлердің еңбекақысын, отандық жеткізушілерден тауарлар мен қызметтерді сатып алуды, мемлекеттік кәсіпорындарға төлемдерді, қазақстандық серіктеске дивидендтерді, сондай‑ақ мемлекеттік бюджетке төленген салықтар мен роялтилерді қамтиды. 1993 жылдан бері ТШО қазақстандық жеткізушілерден шамамен 52,3 млрд АҚШ долларына тауарлар мен қызметтер сатып алды.

«Теңізшевройл» ЖШС‑нің GECA форумына қатысуы компанияның салалық серіктестермен, мемлекеттік органдармен және сарапшылар қауымдастығымен ашық диалогты дамытуға, сондай‑ақ геология, барлау және көмірсутек өндіру салаларындағы озық халықаралық тәжірибелермен алмасуға деген ұстанымын көрсетеді.