Теңізшевройл (ТШО) сенімді серіктес болуға және Қазақстан Республикасының ішінде айтарлықтай әлеуметтік-экономикалық үлес қосуға тырысады. Бұл әрекеттердің ажырамас бөлігі жергілікті жеткізушілерді қолдау, оның ішінде компанияның ресми сайтында өндірістік және техникалық қажеттіліктер мен оларға қойылатын талаптар туралы ақпарат беру болып табылады. 2020 жылға арналған сатып алу жоспары алдыңғы жылы жарияланған болатын, ал бүгін сіз сол сайттан 2021 жылға арналған сатып алу жоспарын таба аласыз.
ТШО мұнай-газ саласын дамытуға белсенді қатысатын тұрақты жергілікті компаниялардың экономикаға, қоғамға және жалпы елге пайда әкелетініне сенімді. ТШО қауіпсіздік мәдениеті жоғары, үздіксіз өндіріс, шығындарды басқару дағдылары бар, сапалы өнімдер мен қызметтерді, бәсекеге қабілетті бағалар мен инновациялық іскери шешімдерді ұсынатын тұтынушыларға бағдарланған жеткізушілермен берік іскерлік қатынастарды дамытуға және қолдауға дайын.
Жергілікті жеткізушілермен тиімді серіктестікті дамыту және қолдау ТШО-ның жетістігі үшін өте маңызды. 25 жылдан астам уақыт ішінде ТШО Қазақстанның мыңдаған білікті кәсіпорындарымен келісімшарттар жасасты. Осы күш-жігердің нәтижесінде 1993 жылдан бастап ТШО 35,7 миллиард долларға жергілікті тауарлар мен қызметтерді сатып алды. Тек 2019 жылдың өзінде ТШО қазақстандық жеткізушілерден құны 4,6 млрд АҚШ долларынан астам, оның ішінде ККЖ-ҰЕҚБЖ шеңберінде 3,25 млрд АҚШ доллары болатын тауарлар мен қызметтерді сатып алды.
Сонымен қатар, ТШО қазақстандық және халықаралық компаниялар арасындағы , атап айтқанда Келешек кеңею жобасы мен Ұңғыма ернеуіндегі қысымды басқару жобасын (ККЖ-ҰЕҚБЖ) дамыту шеңберінде, серіктестік қатынастардың және біліммен алмасуын дамытқан алғашқы компаниялардың бірі болды. ТШО әр түрлі салалардағы серіктестік мүмкіндіктерді табу үшін үнемі жергілікті бизнес қауымдастықтар өкілдерімен форумдар және іскерлік кездесулер өткізеді. Бұған жарқын мысал ретінде ТШО қаржыландыратын Еуропалық Қайта құру және Даму Банкінің (ЕҚҚДБ) жеткізушілерді дамыту бағдарламасын келтіруге болады. 2019 жылы осы бағдарламаға қатысқан компаниялардың 73% -ы кірістерін 66% -ға, ал қызметкерлер санын 32% -ғе өсірді.
Мұнай-газ саласы жергілікті ұйымдарға әлемдік нарықтарда табысты бәсекеге түсе алатын жаһандық бизнес құруға үлкен мүмкіндіктер ұсынады. «Теңізшевройл» жергілікті компаниялардың жетістігі үшін қызметін күн сайын жақсартып келеді және отандық жеткізушілердің қауіпсіздік пен сапаның жоғары стандарттарына сай болуын жоғары бағалайды. ТШО болашақта қазақстандық тауарлар, жұмыстар мен қызметтерді жеткізушілермен жұмысты белсенді және ашық түрде жалғастыруды жоспарлап отыр.
