Өнімдеріміз

ТШО ұзақ мерзімді, әртараптандырылған және білікті тапсырыс берушілер базасын құрды, бұл өз кезегінде мерзімді сатып алу келісім-шарттары бойынша сенімді өнім сатылымын қамтамасыз етеді.

ТШО сұйытылған көмірсутекті газды Қазақстанға және экспорттық нарықтарға теміржол және теңіз арқылы жеткізіп сатады. Экспортқа сату ТШО-ның алдын ала біліктілікті тексеруден өткен тұтынушыларға Incoterms 2000 стандарты негізінде әдетте «шекараға дейін жеткізу» (DAF), «тасымал ақысы төленген» (CPT) және «межелі жерге дейін жеткізу (DAP), франко-борт (FOB) шарттары бойынша жүзеге асырылады.

Қазақстандық нарық

ТШО сұйытылған көмірсутекті газды Қазақстан ішінде сатады. Сату ай сайынғы ұсыныстар сұранысы (тендер процесі) арқылы жүзеге асырылады. ТШО өнімнің қоршаған ортаға зиянсыздығына қатысты өз міндеттемелерін орындауды қамтамасыз ету үшін СКГ-ды қазақстандық тапсырыс берушілердің түпкілікті тұтынушыларына дейін жеткізеді. ТШО тендеріне ТШО-ның алдын ала біліктілікті тексеру критерийлеріне сәйкес келетін барлық тапсырыс берушілер қатыса алады.

ТШО тендерін өткізу талаптары келесілерді қамтиды, бірақ олармен шектелмейді:

• Бұрынғы жеткізілімдер және келісімшарт бойынша міндеттемелерін орындау
• Әр өнім сорты бойынша тендерлік баға
• Мөлшері – тендерлік талаптар шегінде болуы және тек Қазақстан аумағында ғана тұтынылуы тиіс

Экспортқа сату

ТШО-ның СКГ сату әдістері:

• ТМД елдерімен шектесетін еуропалық аймақтарға темір жол тасымалы арқылы жеткізу
• Қара теңіз және Жерорта теңізі аймағы елдеріне (Қара теңіз терминалынан) кемемен жеткізу

Темір жол тасымалы: ТШО барлық өнімді қауіпсіз және сенімді тасымалдау мақсатында СКГ теміржол цистерналар паркін жалға алады. ТШО Құлсары қаласынан түпкілікті бағыттарға дейін тасымалдау үшін экспедиторлық қызмет көрсету компаниялары арқылы теміржол жоспарларын алады.

Кемемен тасымалдау: Мерзімді сатып алушылар СКГ-ды әдетте өздеріне тиесілі немесе жалданған кемелермен тасымалдайды.  Кемелер ТШО және жүк тиелетін теңіз терминалы талаптарына сай болуы керек. Дереу жеткізу арқылы сатуды жүзеге асыратын тұтынушылардың көпшілігі өздерінің кемелерін немесе жалдамалы кемелерді пайдаланады.

ТШО сұйытылған көмірсутектң газды «Argus», әлемдік алдыңғы қатардағы баға белгілеуші және энергетика саласындағы деректерді жеткізуші, жариялаған СКГ баға белгіленімін пайдалана отырып, нарықтық бағамен сатады. СКГ бағасын келісу кезінде ТШО әрбір сату нарығындағы бәсекелестік ортаны ескереді.

ТШО барлық ықтимал тұтынушыларды коммерциялық, қаржылық, логистикалық және техникалық тұрғыдан бағалайды. Барлық ықтимал тұтынушылар ТШО-ның іскерлікті тексеру процесіндегі талаптарына сай болуы керек. ТШО сатып алушылармен коммерциялық іскерлік қарым-қатынас орнатуға басымдық береді. Барлық ықтимал тұтынушылар ұйымдастырушылық қабілетін көрсетуі және келесі талаптарға сай болуы тиіс:

• СКГ өнімінің қоршаған ортаға зиянсыздығы мен қауіпсіздік талаптарын түсіну және орындау
• Орташа және ірі СКГ түпкілікті тұтынушысы және, немесе дистрибьюторы
• СКГ саласында кемінде 3-5 жыл практикалық және жақын арадағы тәжірибесі бар
• СКГ қабылдау, өңдеу, сақтау және тарату бойынша жұмыстан қауіпсіз және сенімді түрде жүзеге асырылады
• Меншікті немесе жалға алынған активтер, соның ішінде теміржол цистерналардан жүк түсіру құрылғысы, газ баллондарын толтыру станциялары, автокөліктерге жанармай құю станциялары, теміржол цистерналар, көліктер, теміржол терминалдары, теңіз терминалдары және/немесе СКГ-ды ылғи тұрақты сатып алуды қамтамасыз ететін тиісті нысандар СКГ тиеу, тасымалдау, сату және логистикалық үлкен тәжірибесі бар даярланған қызметкерлердің болуы
• Егер дистрибьютор болса, әртараптандырылған, тұрақты, ұзақ мерзімді тұтынушылар базасы
• Соңғы 3 қаржы жылындағы тұрақты қаржылық нәтижелері бар және келісімшарт бойынша сату
• Көлемін қамтамасыз ету үшін алдын ала төлемдерді жүргізуге немесе кредит хатын ашуға қаржылық мүмкіндігін көрсеткен

ТШО құрғақ газды ішкі және экспорттық нарықтағы тұтынушыларға құбыржол желісімен тасымалдау арқылы жеткізеді. Ішкі нарыққа «франко тасымалдаушы» (FCA), ал экспорттық нарыққа «шекараға дейін жеткізу» (DAF) шарттарымен ТШО-ның алдын ала біліктілігін тексеруінен өткен тұтынушыларына сатылады.

Қазақстан нарығында құрғақ газды ТШО Атырау облысында орналасқан жергілікті коммуналдық және өнеркәсіптік тұтынушыларға жеткізеді.

ТШО экспортқа және ішкі нарыққа газ жеткізуді ұзақ мерзімді сатып алу-сату шарты бойынша жалғастыруды жоспарлап отыр. ТШО нарықтағы барлық тұтынушыларға қолжетімділікті сақтауға мән береді, сонымен қатар тұтынушыларды әртараптандыруға тырысады.

ТШО барлық ықтимал тұтынушыларды коммерциялық, қаржылық және техникалық тұрғыдан бағалайды. Барлық ықтимал тұтынушылар ТШО-ның бизнеске шолу процесіндегі талаптарына сай болуы керек. ТШО құрғақ газды өз нысандарында пайдаланатын түпкілікті тұтынушымен немесе бөлшектеп сататын тұтынушыларға жеткізу үшін пайдаланатын меншікті тарату құбыржол желісі иелерімен коммерциялық іскерлік қарым-қатынас орнатуға басымдық танытады. Барлық ықтимал тұтынушылар ТШО тұтынушылары атану үшін ұйымдастырушылық қабілетін көрсетуі керек.